Bobby Duncan, litli frændi Steven Gerrard fyrrum fyrirliða Liverpool, hefur verið valinn í aðalliðshóp Liverpool sem fer í æfingaferð til Bandaríkjanna.
Hinn 18 ára gamli Duncan fer með í ferðina sem og jafnaldri hans Paul Glatzel en saman skoruðu þeir yfir 60 mörk með U18 liði Liverpool á síðasta tímabili.
Hinn 18 ára gamli Duncan fer með í ferðina sem og jafnaldri hans Paul Glatzel en saman skoruðu þeir yfir 60 mörk með U18 liði Liverpool á síðasta tímabili.
Einungis sextán leikmenn úr aðalliði Liverpool mættu til æfinga í vikunni en leikmenn eins og Sadio Mane, Mohamed Salah, Naby Keita, Alisson Becker og Roberto Firmino eru í sumarfríi eða á leið í sumarfrí eftir þátttöku í Afríkukeppninni og Copa America.
Liverpool spilar sinn fyrsta æfingaleik á undirbúningstímabilinu gegn Tranmere á morgun áður en liðið heldur til Bandaríkjanna.
Auk Duncan og Paul þá fær vinstri bakvörðurinn Adam Lewis, 19 ára, séns í æfingaferðinni í Bandaríkjunum eftir að Alberto Moreno fór til Villarreal.
Athugasemdir
