„Ég var mjög reiður í leikhléinu vegna þess að mér fannst þrátt fyrir að við vorum að spila sæmilegan fótbolta að þá gerum við okkur sek um tvö einföld mistök sem kosta okkur mörk, þetta eru mistök í einfaldri talningu í varnarleik í uppstilltum atriðum sem að kosta okkur mörk," sagði Björn Sigurbjörnsson þjálfari Selfoss eftir 3-0 tap gegn Þrótti Reykjavík fyrr í kvöld.
Lestu um leikinn: Þróttur R. 3 - 0 Selfoss
„Leikurinn var búinn að vera frekar jafn og kannski frekar við sem að vorum að skapa fyrir utan þessi tvö móment þarna. Í seinni hálfleik þá komum við út með krafti og sköpum okkur helling af dauðafærum og okkur virðist vera fyrirmunað að skora mörk núna."
Björn talaði lengi við dómarann.
„Við vorum þarna bæði þjálfarateymin að tala við dómarann um það að okkur fyndist leikmenn beggja liða illa verndaðir í leiknum og er þetta eitthvað sem er almennt í deildinni. Leikmenn komast upp með of mikið, það er eins og það eigi að lækka einhvern standard vegna þess að þetta er kvennafótbolti með því að refsa ekki fyrir hluti sem yrðu refsað fyrir í karlafótbolta. Það er búið að dæma 6 víti í öllu mótinu, 3 rauð spjöld komin í 12 umferðum og undir 2 spjöldum að meðaltali í leik þetta er ekkert sérstaklega beint að Ása heldur almennt.
Viðtalið má sjá í heild sinni hér að ofan.
Athugasemdir