Vill fá Víking á Greifavöllinn í undanúrslitum

„Ægismenn gerðu vel, voru mjög þéttir varnarlega og við vorum lengi að finna glufur þannig það er bara hrós til þeirra."

Honum fannst leikmenn KA ekki nógu skynsamir í uppspilinu.

„Mér fannst við bara ekki nógu skynsamir. Þeir lokuðu vel miðsvæðis, mér fannst við óþolinmóðir að troða boltanum inn á miðjuna. Opnanirnar voru út á köntunum og mér fannst við heldur lengi að átta okkur á því," sagði Hallgrímur.

Hallgrímur var spurður hver væri hans helsta ósk fyrir undanúrslitin. Svarið var einfalt.

„Bara fá Víkingana hingað heim," sagði Hallgrímur.