AS Roma tók á móti Fiorentina í stórleik dagsins í ítalska boltanum og var Romelu Lukaku búinn að skora eftir fimm mínútna leik. Hann skallaði boltann í netið eftir laglegan undirbúning frá Paulo Dybala.
Dybala var afar líflegur fyrstu 25 mínútur leiksins en meiddist svo og þurfti að fara af velli á 25. mínútu.
Roma leiddi eftir afar bragðdaufan fyrri hálfleik en hlutirnir breyttust í þeim síðari, eftir að Nicola Zalewski fékk sitt seinna gula spjald í liði heimamanna.
Gestirnir frá Flórens jöfnuðu skömmu eftir rauða spjaldið og herjuðu þeir á Rómverja á lokakafla leiksins.
Þeim tókst ekki að gera sigurmark þrátt fyrir margar tilraunir þar sem Rui Patricio átti stórleik á milli stanga heimamanna.
Lukaku fékk að líta beint rautt spjald fyrir ljótt brot á lokakafla leiksins og gerðu níu leikmenn Roma vel að bjarga stigi eftir langan uppbótartíma.
Fiorentina er í sjöunda sæti með 24 stig eftir 15 umferðir, einu stigi eftir Roma sem situr í fjórða sæti. Bologna er jafnt Roma á stigum eftir sigur í Salernó í dag.
Joshua Zirkzee, sem kom úr röðum FC Bayern, skoraði bæði mörk Bologna á fyrstu 20 mínútum leiksins. Heimamenn í Salernitana náðu að minnka muninn í síðari hálfleik en tókst ekki að gera jöfnunarmark gegn skipulögðum andstæðingum.
Salernitana er á botni deildarinnar með 8 stig, þremur stigum frá öruggu sæti.
Að lokum gerðu nýliðar Frosinone markalaust jafntefli við Torino og eru bæði lið um miðja deild eftir leikinn.
Frosinone 0 - 0 Torino
Roma 1 - 1 Fiorentina
1-0 Romelu Lukaku ('5 )
1-1 Lucas Martinez ('66 )
Rautt spjald: Nicola Zalewski, Roma ('64)
Rautt spjald: Romelu Lukaku, Roma ('87)
Salernitana 1 - 2 Bologna
0-1 Joshua Zirkzee ('9 )
0-2 Joshua Zirkzee ('20 )
1-2 Simy ('75 )
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 25 | 20 | 1 | 4 | 60 | 21 | +39 | 61 |
| 2 | Milan | 25 | 15 | 9 | 1 | 41 | 19 | +22 | 54 |
| 3 | Napoli | 25 | 15 | 5 | 5 | 38 | 25 | +13 | 50 |
| 4 | Roma | 25 | 15 | 2 | 8 | 31 | 16 | +15 | 47 |
| 5 | Juventus | 25 | 13 | 7 | 5 | 43 | 23 | +20 | 46 |
| 6 | Como | 25 | 11 | 9 | 5 | 39 | 19 | +20 | 42 |
| 7 | Atalanta | 25 | 11 | 9 | 5 | 34 | 21 | +13 | 42 |
| 8 | Bologna | 25 | 9 | 6 | 10 | 34 | 32 | +2 | 33 |
| 9 | Lazio | 25 | 8 | 9 | 8 | 26 | 25 | +1 | 33 |
| 10 | Sassuolo | 25 | 9 | 5 | 11 | 29 | 35 | -6 | 32 |
| 11 | Udinese | 25 | 9 | 5 | 11 | 28 | 38 | -10 | 32 |
| 12 | Parma | 25 | 7 | 8 | 10 | 18 | 31 | -13 | 29 |
| 13 | Cagliari | 25 | 7 | 7 | 11 | 28 | 35 | -7 | 28 |
| 14 | Torino | 25 | 7 | 6 | 12 | 25 | 44 | -19 | 27 |
| 15 | Genoa | 25 | 5 | 9 | 11 | 29 | 37 | -8 | 24 |
| 16 | Cremonese | 25 | 5 | 9 | 11 | 21 | 33 | -12 | 24 |
| 17 | Lecce | 25 | 6 | 6 | 13 | 17 | 31 | -14 | 24 |
| 18 | Fiorentina | 25 | 4 | 9 | 12 | 29 | 39 | -10 | 21 |
| 19 | Pisa | 25 | 1 | 12 | 12 | 20 | 42 | -22 | 15 |
| 20 | Verona | 25 | 2 | 9 | 14 | 19 | 43 | -24 | 15 |
Athugasemdir
