„Fólk verði að hætta tala um hann sem bara bestu kaup tímabilsins"

„Að mínu viti held ég að fólk verði að hætta tala um hann sem bara bestu kaup tímabilsins og líta á hann öðrum augum. Mögulega sem einn af bestu leikmönnum tímabilsins," sagði Hrafn Kristjánsson, körfuboltaþjálfari og mikill stuðningsmaður Liverpool, í þættinum.

„Það er ekki bara metið út frá mörkum og stoðsendingum sem hafa verið að hrynja inn núna. Hann steig inn í vanmetið hlutverk sem varnartengiliður þegar þann leikmann vantaði. Hann var að búa til fullmótaðan varnartengilið úr sjálfum sér þegar hann hvarf úr því hlutverki."

„Það er hægt að telja marga upp en hann er helsta ástæða þess að Liverpool er við toppinn þrátt fyrir þessi meiðslavandræði," sagði Hrafn.

Rætt var um hvaða leikmenn koma til greina sem kaup tímabilsins en þar voru Declan Rice úr Arsenal og Cole Palmer úr Chelsea einnig nefndir.

„Ég myndi segja Cole Palmer," sagði Hrafn en Chelsea væri líklega í fallbaráttu ef ekki fyrir Palmer. „Hann er að spila miðjumann/sóknarmörk og er með fullt af mörkum og stoðsendingum."

„Hvar væri þetta lið án hans?" sagði Sæbjörn Steinke í þættinum.