Gylfi í leiknum í kvöld.
„Við erum búnir að vera mjög góðir í þessari undankeppni og við höfum gert það sem hefur þurft. Það er frábært að vera með níu stig eftir fjóra leiki og vera búnir með Frakka úti," sagði Gylfi Þór eftir sigurinn á Tyrklandi í kvöld.
Lestu um leikinn: Ísland 2 - 1 Tyrkland
„Leikplanið í dag gekk fullkomnlega upp. Það var frábært að skora tvö mörk snemma í leiknum en aftur á móti mjög svekkjandi að fá á okkur mark úr horni. Þó svo að þeir hafi verið mikið með boltann þá leið okkur mjög vel."
„Jón Daði var geggjaður í þessum leik. Hann var ekki búinn að spila lengi og það kom mér á óvart hversu vel hann spilaði. Það er mjög þægilegt fyrir mig að spila með honum."
Eftir fjóra leiki eru Ísland, Frakkland og Tyrkir öll með níu stig í riðlinum.
„Þetta er eins og maður bjóst við. Við sáum kannski ekki alveg Tyrkina taka Frakka en við getum stjórnað þessu með því að vinna okkar leiki. Við þurfum að vinna næstu tvo leiki, það myndi setja okkur í góða stöðu."
Það eru stórir dagar framundan hjá Gylfa en hann er að fara að gifta sig um helgina á Ítalíu.
„Hugurinn hefur verið svolítið þar undanfarna mánuði. Það er mikið að hugsa um og ég get ekki beðið. Það er gott að geta tekið sex stig til Ítalíu og haldið veislunni áfram," sagði Gylfi að lokum.
Laumuðum okkur í reykmettað bakherbergi í Laugardalnum og gerðum upp stórfuðulegan aðdraganda að leiknum og glæsilega frammistöðu! @tomthordarson og @maggimar með mér #fotboltinet https://t.co/RdjiG4KURy
— Elvar Geir Magnússon (@elvargeir) June 11, 2019
