Lazio er í harðri Evrópubaráttu á meðan botnlið Salernitana þarf kraftaverk til að forðast fall þriðja árið í röð.

Á morgun fer fram nágrannaslagur í Tórínó, þar sem Torino tekur á móti stórliði Juventus, áður en spútnik lið Bologna fær Monza í heimsókn. Bologna er óvænt í fjórða sæti deildarinnar fyrir lokahnykkinn og gæti unnið sér inn sæti í riðlakeppni Meistaradeildarinnar á næstu leiktíð með góðum endaspretti í vor.

Napoli, Milan, Roma og Inter mæta öll til leiks á sunnudeginum og eiga þau öll leiki gegn liðum í fallbaráttunni.

Albert Guðmundsson og félagar í Genoa eiga svo leik á mánudag áður en Atalanta og Verona eigast við í lokaleik 32. umferðar.

Til gamans má geta að nánast öll lið ítölsku deildarinnar eru enn í harðri baráttu á tímabilinu. Það eru aðeins Inter og Genoa sem eru ekki lengur í neinni baráttu.

Föstudagur:
18:45 Lazio - Salernitana

Laugardagur:
13:00 Lecce - Empoli
16:00 Torino - Juventus
18:45 Bologna - Monza

Sunnudagur:
10:30 Napoli - Frosinone
13:00 Sassuolo - Milan
16:00 Udinese - Roma
18:45 Inter - Cagliari

Mánudagur:
16:30 Fiorentina - Genoa
18:45 Atalanta - Verona