Ingimar Arnar og prinsinn á Álftanesi að ræða málin.
„Þetta var mjög gaman eins og þú segir. Ég var búinn að bíða helvíti lengi eftir því að koma inn á, hann datt bara svona skemtilega fyrir mig og við kláruðum þetta.“ sagði Ingimar Arnar Kristjánsson, leikmaður Þórs, eftir sigur á Val 2-1 en hann skoraði sigurmark gestanna í blálokin.
Lestu um leikinn: Valur 1 - 2 Þór
„Það kom einhver með hann á mig, ég kötta inn á vinstri og ég set hann alveg út við stöng.“ sagði Ingimar um markið sitt góða.
Ingimar talar um að Þórsarar hafi byrjað leikinn of stressaðir en náð svo að vinna sig inn í leikinn.
„Mér fannst við pínu stressaðir í byrjun en í seinni hálfleik fannst mér við vera með tök á þeim. Svo föllum við aðeins of aftarlega á völlinn en já bara flott sko.“
Það var alvöru veisla í stúkunni hjá Þórsurum í dag.
„Þetta var mjög gaman og stuðningsmennirnir mættu eins og alltaf. Þetta er mjög góð byrjun.“
Hversu gott var það að byrja svona og hvað gefur það Þórsurum fyrir framhaldið?
„Alltaf gott að fá stig á töfluna strax. Þetta bara nærir okkur, við erum á leiðinni heim og svo er það bara endurheimt á morgun.“
Viðtalið við Ingimar má sjá í heild sinni í spilaranum hér að ofan.
