„Mér fannst við ekki nógu góðir í fyrri hálfleik og við fórum vel yfir það í hálfleik," sagði Helgi Sigurðsson, þjálfari ÍBV, eftir 1-1 jafntefli gegn Grindavík í Lengjudeildinni.

„Við vorum að tapa flestum boltum og návígum, vorum langt á milli lína en við löguðum það í seinni hálfleik. Við unnum fyrir því að ná í jafntefli. Auðvitað hefðum viljað þrjú stig en við getum ekkert kvartað."

Lestu um leikinn: ÍBV 1 -  1 Grindavík

Þetta eru fyrstu stigin sem ÍBV tapar í sumar eftir að hafa unnið fyrstu fjóra leiki sína.

„Við getum ekki unnið alla leiki og við vissum það fyrir mót að það yrði aldrei þannig; að við færum í gegnum þetta mót án þess að tapa stigum. Grindavík er með hörkulið og við berum virðingu fyrir þeim. Dagsformið skiptir máli og við vorum ekki eins skarpir í dag eins og við höfum verið."

„Við erum á toppnum eftir fimm umferðir og erum nokkuð sáttir með það."

Viðtalið í heild sinni má sjá hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit