Daði Berg Jónsson var hetja Vestra þegar liðið lagði FH í fyrsta leik dagsins í Bestu deildinni. Fótbolti.net ræddi við hann eftir leeikinn.
Lestu um leikinn: Vestri 1 - 0 FH
„Þetta er geðveikt. Þú sérð veðrið hérna, maður lifir fyrir þetta að fá að djöflast í 90 mínútur, svona á þetta að vera," sagði Daði.
„Það skiptir ekki máli í hvernig veðri maður spilar ef maður fær að spila þá er maður sáttur," sagði Daði.
Daði er á láni frá Víkingum en það er ekki algengt að ungir leikmenn fari út á land.
„Lífið leikur við mig. Maður getur gert það sem maður vill, með fókusinn á fótboltann. Maður er eins og atvinnumaður, mætir á æfingu fer í sánu og til sjúkraþjálfarans. Þetta gerist ekkii mikið betra," sagði Daði.
„Menn þurfa að vera með hausinn rétt skrúfaðann á ef menn ætla að mæta vestur, þetta er ekkert vesen."
Vestri er með fjögur stig eftir fyrstu tvær umferðirnar. Liðinu var spáð falli af flestum sérfræðingum.
„Maður er lítið að spá í það hvað einhverjir fjölmiðlamenn eru að segja. Það er bara næsti leikur og við erum með fullan fókus á hann," sagði Daði að lokum.
