„Þetta var ótrúlegt eiginlega, ég hef sjaldan lent í öðru eins," sagði Matthías Vilhjálmsson, fyrirliði FH, eftir 5-1 sigur gegn ÍA í Pepsi Max-deildinni í kvöld.
Þetta var furðulegur leikur. Það var mikil og stór pása í byrjun seinni hálfleiks vegna meiðsla Sindra Snæs Magnússonar. ÍA endaði svo leikinn með níu menn inn á og útileikmann í markinu.
Þetta var furðulegur leikur. Það var mikil og stór pása í byrjun seinni hálfleiks vegna meiðsla Sindra Snæs Magnússonar. ÍA endaði svo leikinn með níu menn inn á og útileikmann í markinu.
Lestu um leikinn: FH 5 - 1 ÍA
„Ég vona bara helst að það sé í lagi með ÍA strákana, þetta leit ekki vel út."
FH er komið á toppinn í deildinni á markatölu. „Leikirnir koma þétt núna og við verðum strax að hugsa um næsta leik. Það verður mjög erfitt að fara í Kórinn og spila við HK. Við erum hæstánægðir með sigurinn í dag."
FH hefur spilað fleiri mínútur á þessu tímabili 11 á móti tíu heldur en tíu á móti tíu. Andstæðingar þeirra enda alltaf á því að fá rautt spjald.
„Þetta er fín sóknaræfing hjá okkur - að drilla liðið 11 gegn tíu - en það verður ekki alltaf svoleiðis í sumar. Við þurfum að geta opnað liðin líka 11 á móti 11."
Allt viðtalið má sjá hér að ofan.
Athugasemdir
