Tomasson tekur við Blackburn (Staðfest) - Á ættir að rekja til Íslands

Tomasson á hliðarlínunni.

Mynd: EPA

Jon Dahl Tomasson í landsleik með Danmörku á Laugardalsvelli.

Mynd: Fótbolti.net - Tomasz Þór Veruson

Tomasson á hliðarlínunni.

Mynd: EPA

Blackburn hefur ráðið Jon Dahl Tomasson sem nýjan stjóra félagsins og gerði hann samning til 2025. Þessi fyrrum danski landsliðssóknarmaður spilaði á ferli sínum með Newcastle á Englandi.

Tomasson á ættir að rekja til Íslands en afi hans var Íslendingur, fæddur og uppalinn í Hafnarfirði. Hann stundaði sjómennsku á sínum yngri árum en hóf síðan siglingar og fluttist til Danmerkur ungur að aldri.

Tomasson stýrði Malmö til sænska meistaratitilsins tvö ár í röð áður en hann yfirgaf félagið í desember á liðnu ári.

Tomasson tekur við af Tony Mowbray sem hætti með Blackburn í síðasta mánuði eftir að liðið endaði í áttunda sæti Championship-deildarinnar.

Daninn hefur starfað við þjálfun síðan hann lagði skóna á hilluna 2011 og stýrði hann Excelsior og Roda JC í Hollandi áður en hann starfaði sem aðstoðarþjálfari hjá Vitesse Arnhem og danska landsliðinu.

Hann er 45 ára og spilaði meðal annars með Feyenoord, Milan og Villarreal á ferli sínum.

Blackburn varð Englandsmeistari 1995 en hefur ekki verið í efstu deild síðan 2012.

„Við erum með ungt lið hérna og frábæra akademíu. Eigendurnir hafa skýra sýn. Þeir vilja þróa leikmenn og gera félagið að sjálfbæru úrvalsdeildarliði með tíð og tíma. Ég er ánægður með að taka þátt í þessum spennandi nýja kafla," segir Tomasson.

Það eru enn indversku kjúklingabændurnir í Venkys sem eiga Blackburn.

Heimild: mbl.is | Guardian

Jon Dahl Tomasson í landsleik með Danmörku á Laugardalsvelli.

Mynd: Fótbolti.net - Tomasz Þór Veruson

Stöðutafla

#	Lið	L	mun	Stig
1	West Ham	6	+5	11
2	Swansea	6	+4	11
3	Middlesbrough	5	+3	10
4	QPR	5	+3	10
5	Bristol City	5	+2	10
6	West Brom	5	+2	10
7	Charlton Athletic	5	-1	10
8	Millwall	5	+2	9
9	Sheffield Utd	6	0	9
10	Wolves	5	+3	8
11	Watford	6	-1	8
12	Southampton	6	+7	7
13	Wrexham	6	+2	7
14	Birmingham	5	+1	7
15	Stoke City	6	-1	7
16	Norwich	5	0	6
17	Portsmouth	5	-1	6
18	Blackburn	6	-2	5
19	Lincoln City	5	-2	5
20	Cardiff City	6	-3	4
21	Derby County	5	-5	4
22	Bolton	6	-6	4
23	Preston NE	6	-6	3
24	Burnley	6	-6	3