„Í fyrri hálfleik áttum við að vera yfir með svona tveimur þremur mörkum. Við vorum miklu betri í fyrri hálfleik og óðum í færum. Við gáfum þeim hreinlega tvö mörk, þeir áttu engin færi í fyrri hálfleik,“ sagði Helgi Sigurðsson, þjálfari ÍBV, eftir 4-4 jafntefli liðs hans í Safamýri gegn Fram fyrr í kvöld.
Lestu um leikinn: Fram 4 - 4 ÍBV
„Það bara gerist, hefur ekkert með neitt plan að gera. Maður getur alveg sagt að við höfum talað um að skora tvö mörk í byrjun seinni hálfleiks en það er ekki þannig,“ sagði hann spurður hvort að það hafi verið ætlun liðsins að verjast þegar þeir væru komnir með forskot.
Óskár Elías Óskarsson fékk höfuðhögg í seinni hálfleik og var tekinn af velli skömmu síðar. Um það sagði Helgi: „Þegar menn fá höfuðhögg þarf að taka tillit til þess, engir sénsar teknir með það.“
