Fékk rautt eftir VAR skoðun en spjaldið hefur verið fellt niður

Rauða spjaldið sem Pascal Struijk, varnarmaður Brighton, fékk gegn Sunderland eftir VAR skoðun hefur verið fellt úr gildi.

Struijk var rekinn af velli á 57. mínútu leiksins eftir að hann hafði verið dæmdur brotlegur á Wilson Isidor, sóknarmanni Sunderland, sem reyndi að ná til stungusendingar.

Thomas Bramall dómari dæmdi ekki brot í fyrstu en VAR-dómarinn Neil Davies greip inn í og bað dómarann um að skoða atvikið.

Eftir að hafa skoðað endursýninguna ítrekað lyfti Bramall upp rauða spjaldin. Ákvörðunin vakti mikla undrun meðal leikmanna Brighton en hefur nú verið afturkölluð.

Brighton kvartaði og samþykkt var að brottvísunin hafi verið rangur dómur. Struijk, sem fór til Brighton frá Leeds í sumar, verður því klár í slaginn gegn Crystal Palace í úrvalsdeildinni um helgina.

Þrátt fyrir rauða spjaldið vann Brighton leikinn 2-0 og heldur þar með áfram sterkri byrjun sinni á tímabilinu. Liðið situr í þriðja sæti, fimm stigum á eftir toppliði Manchester City.