Fótbolti.net

Kristall Máni: Hef alltaf vitað að fótboltahæfileikarnir hverfa ekki

Jóladagatalið: Stólar fullir af hálfvitum

Jóladagatalið: „Vonandi hefur Gummi Ben eitthvað lært af þessu“

Kominn í grænt eftir eitt tímabil í Svíþjóð - „Eftir það tók ég ákvörðun um að fara annað“

Ætlaði ekki að koma heim - „Þegar ég talaði við Óskar lá þetta fyrir“

Jóladagatalið: Kristján Óli eftir að hafa skorað ljótasta markið á ferlinum

Jóladagatalið: Auðunn Blöndal og Gaui Þórðar í geitungavandræðum

Ísak bendir á augljóst vandamál: Erum ekki nógu góðir þar

Jóladagatalið: Allir á þjóðhátið, það er skylda hjá mér!

Æfingaleikur: Aron Kristófer skoraði frá miðju gegn Leikni

Jóladagatalið: Þið vitið aldrei neitt um okkur

„Láki tengdi okkur við góðan mann erlendis"

Ævintýraþjálfari Völsungs: Þegar þú ferðast um heiminn verður þú að taka ákvarðanir hratt

Ólafur Ingi: Heilt yfir stoltur en fannst við vera pínu klaufar

Margt í gangi í hausnum á Damir fyrir leikinn - „Spurðu þá sem stjórna klúbbnum“

Höskuldur: Þau eru ekkert verðugri en við að vera þarna

Anton Ari: Sannaði fyrir mér að við áttum alveg erindi hingað

Jóladagatalið: Frasabók Margrétar Láru

Arnór Gauti: Þetta er bara sturlun

Sá fyrir sér að ljúka ferlinum með Blikum: Því miður vildi klúbburinn leita eitthvað annað

fim 14. desember 2023 16:07

Sæbjörn Þór Þórbergsson Steinke
Lublin, Póllandi

Kristófer heillaðist af leikstílnum og genginu: Fullkomið lið fyrir mig

,,Það er frí framundan þannig að menn hafa enga afsökun"

Reyndi hjólhestaspyrnu í leiknum gegn Maccabi.

Mynd: Fótbolti.net - Haukur Gunnarsson

Á æfingu í gær.

Mynd: Breiðablik

Kristófer Ingi Kristinsson, leikmaður Breiðabliks, ræddi við Fótbolta.net í dag. Blikar undirbúa sig nú fyrri leikinn gegn Zorya Luhansk sem hefst eftir tæpa fjóra tíma.

Leikurinn fer fram á Lublin Arena í Póllandi og er um lokaleik tímabilsins hjá Breiðabliki að ræða. Leikurinn hefst klukkan 20:00 að íslenskum tíma.

„Leikurinn leggst mjög vel í mig, síðustu tveir leikir hafa verið mjög fínir hjá liðinu, verið óheppnir að ná ekki í stig og ég held að þetta gæti verið leikur þar sem við gætum stefnt á að sækja þrjú stig."

„Að mótívera sig fyrir leikinn er mjög auðvelt allavega fyrir mig,. Þetta er seinasti leikur tímabilsins þannig að menn eiga að geta gefið allt í þetta; það er frí framundan þannig að menn hafa enga afsökun."

Kristófer missti af fyrstu leikjum Blika í riðlakeppninni vegna meiðsla.

„Ég komst inn í hlutina í sumar, svo tognaði ég á móti Val og var frá í einhverjar 6-7 vikur og hef verið að ná mér síðan þá. Það var leiðinlegt að detta úr takti. Það hefur verið óheppni hjá mér hvað varðar meiðsli, en maður klárar þennan leik og svo er það bara næsta tímabil sem ég hlakka mikið til líka."

„Skrokkurinn er allur að koma til. Ég tognaði í kálfa og það vantar smá leikform, það er ekki spilað jafnmikið og í sumar."

Kristófer samdi við Breiðablik í félagaskiptaglugganum í sumar. Af hverju valdi hann Breiðablik?

„Það hvernig liðið spilar, hvernig gengið síðustu ár hefur verið og hvernig leikstíllinn er leist mér mjög vel á. Sama með þjálfarastílinn, hann hefur verið mjög sjarmerandi. Ég var að koma heim og held að þetta hafi verið fullkomið lið fyrir mig miðað við hvernig ég spila og annað. Svo er ákveðin gulrót með þetta spennandi Evrópuverkefni. Ég var óheppinn að missa af flestum af þessum leikjum," sagði Kristófer.

Hann lék í sumar sinn fyrsta keppnisleik á Íslandi. Hann er uppalinn í Stjörnunni en hefur leikið með Willem II, Grenoble, Jong PSV, SönderjyskE og Venlo erlendis.

Hann var spurður nánar út í heimkomuna, síðasta tímabil í Hollandi og framhaldið. Viðtalið í heild má sjá í spilaranum efst.