Enzo Maresca var langt frá því að vera sáttur með frammistöðu sinna manna eftir 3-0 tap gegn Brighton í ensku úrvalsdeildinni í gærkvöldi. Þetta var annað tap Chelsea á útivelli gegn Brighton á innan við viku.
Chelsea byrjaði leikinn af krafti í gær en missti fljótt dampinn og að lokum voru lærisveinar Maresca heppnir að tapa ekki stærra.
„Vonandi er þetta kvöldið þar sem við snúum þessu við. Það var margt sem við áttum að gera betur í kvöld en við erum sem betur fer ennþá í góðri stöðu í deildinni," sagði Maresca eftir tapið.
„Þetta er versta frammistaða liðsins síðan ég tók við. Ég vil biðja stuðningsmenn afsökunar á þessari frammistöðu, sérstaklega þá sem gerðu sér leið hingað til að styðja við bakið á okkur. Við erum ennþá með í baráttunni um sæti í topp fjórum."
Noni Madueke fór meiddur af velli í fyrri hálfleik og haltraði Malo Gusto útaf í síðari hálfleik.
„Noni meiddist aftan í læri og verður frá keppni í einhvern tíma. Við vitum meira á næstu dögum. Það er allt í góðu með Malo."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 4 | 4 | 0 | 0 | 9 | 4 | +5 | 12 |
| 2 | Arsenal | 4 | 3 | 0 | 1 | 9 | 1 | +8 | 9 |
| 3 | Tottenham | 4 | 3 | 0 | 1 | 8 | 1 | +7 | 9 |
| 4 | Bournemouth | 4 | 3 | 0 | 1 | 6 | 5 | +1 | 9 |
| 5 | Chelsea | 4 | 2 | 2 | 0 | 9 | 3 | +6 | 8 |
| 6 | Everton | 4 | 2 | 1 | 1 | 5 | 3 | +2 | 7 |
| 7 | Sunderland | 4 | 2 | 1 | 1 | 5 | 3 | +2 | 7 |
| 8 | Man City | 4 | 2 | 0 | 2 | 8 | 4 | +4 | 6 |
| 9 | Crystal Palace | 4 | 1 | 3 | 0 | 4 | 1 | +3 | 6 |
| 10 | Newcastle | 4 | 1 | 2 | 1 | 3 | 3 | 0 | 5 |
| 11 | Fulham | 4 | 1 | 2 | 1 | 3 | 4 | -1 | 5 |
| 12 | Brentford | 4 | 1 | 1 | 2 | 5 | 7 | -2 | 4 |
| 13 | Brighton | 4 | 1 | 1 | 2 | 4 | 6 | -2 | 4 |
| 14 | Man Utd | 4 | 1 | 1 | 2 | 4 | 7 | -3 | 4 |
| 15 | Nott. Forest | 4 | 1 | 1 | 2 | 4 | 8 | -4 | 4 |
| 16 | Leeds | 4 | 1 | 1 | 2 | 1 | 6 | -5 | 4 |
| 17 | Burnley | 4 | 1 | 0 | 3 | 4 | 7 | -3 | 3 |
| 18 | West Ham | 4 | 1 | 0 | 3 | 4 | 11 | -7 | 3 |
| 19 | Aston Villa | 4 | 0 | 2 | 2 | 0 | 4 | -4 | 2 |
| 20 | Wolves | 4 | 0 | 0 | 4 | 2 | 9 | -7 | 0 |
Athugasemdir
