Kristófer Óskar í leik með Aftureldingu
Kristófer Óskar Óskarsson var maður leiksins er Afturelding vann Víking Ó. 5-1 í Lengjudeildinni í kvöld en hann skoraði fjögur mörk fyrir gestina.
Lestu um leikinn: Víkingur Ó. 1 - 5 Afturelding
Kristófer Óskar er fæddur árið 2000 og er á láni frá Fjölni en hann skoraði fyrstu mörk sín fyrir Aftureldingu í kvöld.
Hann stimplaði sig inn í deildina með látum og náði að skora þrennu í fyrri hálfleik áður en hann bætti við fjórða markinu á 67. mínútu í þeim síðari.
Kristófer var ánægður með sigurinn í dag en viðurkenni að Víkingur hefði auðveldlega getað komið sér betur inn í leikinn ef þeir hefðu nýtt færin.
„Það var hátt spennustig í mönnum og mikil læti en við náðum að koma mörkunum inn á fyrstu sjö mínútunum. Þeir fengu sín færi og hefðu getað jafnað eða minnkað muninn fyrr en svo drepum við þetta í 3-0 og þeir hætta ekki og minnka muninn í 3-1 en við náum að drepa leikinn í 4-1," sagði Kristófer Óskar.
„Við náum aðeins að halda í hann og opna miðjuna betur, náðum að vera rólegir á boltann, Létum þá hlaupa og það heppnaðist fullkomlega. Við stigum bara á bensíngjöfina," sagði hann í lokin.
Athugasemdir
