Damir Muminovic var að vonum ósáttur eftir 3-1 tap Breiðabliks gegn Víkingi R. í undanúrslitaleik Mjólkurbikarsins fyrr í kvöld.

Lestu um leikinn: Víkingur R. 3 -  1 Breiðablik

Damir var orðlaus eftir leikinn og taldi Víkingana verðskulda sigurinn.

„Ég er eiginlega bara orðlaus, ég veit ekki hvað ég á að segja. Ég er mjög svekktur. Mér fannst þeir bara betri í leiknum," sagði Damir að leikslokum.

„Okkur vantaði meiri greddu, vilja og ég veit það ekki. Ég veit ekki hvað ég á að segja meira."

Blikar töpuðu úrslitaleiknum í fyrra og vildu ólmir fá annað tækifæri til að hampa titlinum.

„Sá leikur sat lengi í mér. Það hefði verið draumur að fara aftur í úrslitaleikinn í ár."

Nú þurfa Blikar að einbeita sér að deildarbaráttunni. Þar er liðið í öðru sæti Pepsi Max-deildarinnar, sjö stigum eftir toppliði KR þegar sex umferðir eru eftir.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit