„Lítið hægt að segja við þessu, við reyndum eins og við gátum en við erum að "díla" við viss einstaklingsmistök innan liðsins sem valda okkur alltaf stórskaða," sagði Jón Ólafur Daníelsson, þjálfari ÍBV, eftir 2-1 tap liðsins gegn Stjörnunni í Pepsi Max-deild kvenna.
Lestu um leikinn: Stjarnan 2 - 1 ÍBV.
Lestu um leikinn: Stjarnan 2 - 1 ÍBV.
Staðan var 0-0 í hálfleik og Jón Óli sagði í viðtalinu hvað hann sagði við leikmenn í hléinu en Stjarnan skoraði strax í upphafi seinni hálfeiks.
„Það síðasta sem ég sagði í hléinu var að það þyrfti að byrja seinni hálfleikinn strax en það voru slæm mistök út á miðjum velli þegar ekkert var að gerast og í kjölfarið skora þær."
ÍBV jafnaði seinna í hálfleiknum en Stjarnan komst aftur yfir.
„Mér fannst við eiga í erfiðleikum með að komast ofar á völlinn. Miðjumennirnir þurftu svolítið mikið að hlaupa til baka. Því miður er það þannig að ef mörkin eru skoðuð sem við erum að fá á okkur þá eru þetta ofboðslega mikið af einstaklingsmistökum þannig að maður er aldrei rólegur þó leikurinn sé í jafnvægi."
Jón Óli var svo spurður út í framhaldið hjá ÍBV.
„Framhaldið verður erfitt. Við erum í erfiðleikum, þetta er árið sem allt gengur á afturfótunum. Við þurfum að taka einn leik fyrir í einu og spyrja að leikslokum."
Viðtalið í heild sinni má sjá í spilaranum hér að ofan.
Athugasemdir
