Fyrstu fjórum leikjum dagsins í 3. umferð Seríu A á Ítalíu er lokið en Bologna vann magnaðan endurkomusigur á Brescia. Það var þá einnig dramatík er Atalanta lagði Genoa að velli, 2-1.
Nýliðar Brescia töpuðu fyrir Bologna 4-3 á heimavelli sínum í dag en áhorfendur fengu sýningu. Ítalski framherjinn Alfredo Donnarumma skoraði tvö mörk með tíu mínútna millibili fyrir Brescia áður en Mattia Bani minnkaði muninn á 36. mínútu.
Andrea Cistana gerði þriðja mark Brescia og staðan því svört í hálfleik fyrir lið Bologna. Liðið átti hins vegar magnaða endurkomu í þeim síðari en rauða spjaldið sem Daniele Dessena, leikmaður Brescia, fékk í upphafi síðari hálfleiks virtist hafa áhrif á heimamenn.
Hinn afar reyndi Rodrigo Palacio minnkaði muninn á 56. mínútu og fjórum mínútum síðar jafnaði Stefano Denswil metin fyrir Bologna. Það var svo Riccardo Orsolini sem gerði sigurmark Bologna tíu mínútum fyrir leikslok.
Það var dramatík á lokamínútunum er Atalanta vann Genoa 2-1 en Luis Muriel kom Atalanta yfir með marki úr vítaspyrnu á 64. mínútu. Kólumbíska markavélin Duvan Zapata bætti við öðru marki í uppbótartíma en andartaki síðar minnkaði Domenico Criscito muninn með marki úr vítaspyrnu. Lokatölur 2-1.
SPAL vann þá óvæntan 2-1 sigur á Lazio. Ciro Immobile kom Lazio yfir á 17. mínútu með marki úr vítaspyrnu en hinn stóri og stæðilegi Andrea Petagna jafnaði hálftíma fyrir leikslok. Það var svo Jasmin Kurtic sem skoraði fyrir SPAL í uppbótartíma. Frækinn sigur SPAL í dag.
Cagliari lagði þá Parma 3-1 en Luca Ceppitelli gerði tvö mörk fyrir gestina.
Úrslit og markaskorarar:
Brescia 3 - 4 Bologna
1-0 Alfredo Donnarumma ('10 )
2-0 Alfredo Donnarumma ('19 )
2-1 Mattia Bani ('36 )
3-1 Andrea Cistana ('42 )
3-2 Rodrigo Palacio ('56 )
3-3 Stefano Denswil ('60 )
3-4 Riccardo Orsolini ('80 )
Rautt spjald:Daniele Dessena, Brescia ('48)
Genoa 1 - 2 Atalanta
0-1 Luis Muriel ('64 , víti)
0-2 Duvan Zapata ('90 )
1-2 Domenico Criscito ('90 , víti)
Parma 1 - 3 Cagliari
0-1 Luca Ceppitelli ('23 )
0-2 Luca Ceppitelli ('39 )
1-2 Antonino Barilla ('58 )
1-3 Giovanni Simeone ('77 )
1-4 Joao Pedro ('90 )
Spal 2 - 1 Lazio
0-1 Ciro Immobile ('17 , víti)
1-1 Andrea Petagna ('63 )
2-1 Jasmin Kurtic ('90 )
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 3 | 3 | 0 | 0 | 6 | 1 | +5 | 9 |
| 2 | Juventus | 3 | 3 | 0 | 0 | 7 | 3 | +4 | 9 |
| 3 | Cremonese | 3 | 2 | 1 | 0 | 5 | 3 | +2 | 7 |
| 4 | Udinese | 3 | 2 | 1 | 0 | 4 | 2 | +2 | 7 |
| 5 | Milan | 3 | 2 | 0 | 1 | 4 | 2 | +2 | 6 |
| 6 | Roma | 3 | 2 | 0 | 1 | 2 | 1 | +1 | 6 |
| 7 | Atalanta | 3 | 1 | 2 | 0 | 6 | 3 | +3 | 5 |
| 8 | Cagliari | 3 | 1 | 1 | 1 | 3 | 2 | +1 | 4 |
| 9 | Como | 3 | 1 | 1 | 1 | 3 | 2 | +1 | 4 |
| 10 | Torino | 3 | 1 | 1 | 1 | 1 | 5 | -4 | 4 |
| 11 | Inter | 3 | 1 | 0 | 2 | 9 | 6 | +3 | 3 |
| 12 | Lazio | 3 | 1 | 0 | 2 | 4 | 3 | +1 | 3 |
| 13 | Bologna | 3 | 1 | 0 | 2 | 1 | 2 | -1 | 3 |
| 14 | Sassuolo | 3 | 1 | 0 | 2 | 3 | 5 | -2 | 3 |
| 15 | Genoa | 3 | 0 | 2 | 1 | 1 | 2 | -1 | 2 |
| 16 | Fiorentina | 3 | 0 | 2 | 1 | 2 | 4 | -2 | 2 |
| 17 | Verona | 3 | 0 | 2 | 1 | 1 | 5 | -4 | 2 |
| 18 | Pisa | 3 | 0 | 1 | 2 | 1 | 3 | -2 | 1 |
| 19 | Parma | 3 | 0 | 1 | 2 | 1 | 5 | -4 | 1 |
| 20 | Lecce | 3 | 0 | 1 | 2 | 1 | 6 | -5 | 1 |
Athugasemdir
