Fótbolti.net

Ólafur Ingi: Draumastaða er bara þrjú stig

Sviptu hulunni af Loga Ólafs sem sagði af sér um leið

Höskuldur: Ég er mikill unnandi Loga sem persónu og leikmanns

Árni Guðna: Aldrei spurning þegar kallið kom héðan

Jói Kalli: Langaði ekki að vera lengur einn úti

Alex Freyr: Tók eitt símtal frá Davíð Smára

Sá fyrir sér að spila allan ferilinn með Völsungi en fetar í spor föður síns

Útskýrir af hverju hann er orðinn þjálfari Sindra: Ákvað að hætta í janúar

„Vissi að það yrði erfitt að kveðja en varð mun erfiðara en ég átti von á"

29 ára þjálfari í efstu deild - „Frábært að koma inn í svona stórt félag"

Lítur á HK sem klárt skref upp á við - „Kitlar egóið að vera í þannig stöðu"

Sverrir spenntur fyrir framtíðinni: Við erum með mjög gott lið

Elías Rafn: Eigum ekki að fá á okkur svona einföld mörk

Hákon Arnar: Mun taka tíma að jafna sig á þessu

Guðlaugur Victor: Trúði ekki þessari vörslu

Brynjólfur: Áfram gakk og við förum á næsta stórmót

Jón Dagur um að HM draumurinn sé horfinn: Gríðarleg vonbrigði

Ísak Bergmann: Þetta er bara okkar Króatía

Hilmar Jökull: Verðum í bullandi minnihluta en það verður fjör

Toddi: Ef við byrjum eins og í Bakú þá eigum við góða möguleika

mið 15. september 2021 20:47

Sæbjörn Þór Þórbergsson Steinke

Jói Kalli: Frábær tímasetning og frábærlega gert hjá Dodda

Mynd: Fótbolti.net - Haukur Gunnarsson

Jóhannes Karl Guðjónsson, þjálfari ÍA, var ánægður eftir leik síns liðs gegn ÍR í dag. ÍA sigraði ÍR í dag í 8-liða úrslitum Mjólkurbikarsins.

ÍA lenti 1-0 undir í leiknum en Skagamenn jöfnuðu leikinn fyrir hálfleik og bættu svo við tveimur mörkum í seinni hálfleik.

Lestu um leikinn: ÍR 1 - 3 ÍA

„Við fengum mark í andlitið í byrjun, vorum ekkert vaknaðir. Við héldum kannski að þetta yrði auðveldur dagur fyrir okkur. ÍR-ingarnir spiluðu sig í gegnum okkur skipti eftir skipti og á endanum náðu þeir að skora," sagði Jói Kalli.

„Ég var ánægður með að þó að menn væru lentir undir þá héldu menn haus og voru rólegir, héldu áfram að reyna finna opnanir. Ég er ánægður með karakterinn og maður sá að þeir ætluðu sér áfram."

Þórður Þorsteinn skoraði frábært mark sem jafnaði leikinn fyrir ÍA undir lok fyrri hálfleiks. „Þetta var klassískur Zidane-snúningur og negla í hornið niðri, óverjandi fyrir markmanninn. Þetta var frábær tímasetning, frábært mark, frábærlega gert hjá Dodda. Tímasetningin var alveg geggjuð fyrir okkur að fara með 1-1 inn í hálfleik í staðinn fyrir 1-0. Það var mjög gaman að sjá þetta."

Hvaða þýðingu hefur það að vera komnir í undanúrslit?

„Það er risastórt. Við höfum trú á því að við getum unnið öll lið á landinu þegar við erum á góðum degi og þegar við náum að spila okkar leik varnar- og sóknarlega. Við ætlum okkur, sama hverjir mótherjarnir verða, að vinna leikinn í næstu umferð. Við ætlum okkur í bikarúrslitaleikinn, það er draumurinn hjá okkur. Það er titill í boði, það er Evrópusæti í boði og við höfum fulla trú á því að við getum farið alla leið."

Ísak Snær kom boltanum yfir marklínu ÍR með skalla eftir hornspyrnu í seinni hálfleik. Varstu búinn að fá einhverja skýringu á þessu atviki?

„Mér fannst þetta voða skrítið en þeir kölluðu allir, bæði aðstoðardómarinn og dómarinn, að boltinn hafi ekki verið inni. Hann var allan tímann inni, ég fékk ekkert útskýringu nema að hann hafi ekki verið inni. Ég gat ekkert þrætt fyrir það en ég var nokkuð viss um að hann væri inni," sagði Jói Kalli.

Jói ræddi einnig um tígulmiðju ÍR og Rees Greenwood sem ÍA var í basli með, sérstaklega í upphafi. Þá var hann spurður út í Sindra Snæ Magnússon í lok viðtalsins sem gat ekki spilað á móti uppeldisfélaginu í dag vegna meiðsla.