Þórunn Helga Jónsdóttir var að vonum sátt með 4-2 sigur á HK/Víking á Meistaravöllum í kvöld. Með sigrinum lyfti KR sér úr 8. sætinu, upp í það fimmta.

„Mikil gleði. Ótrúlega mikilvægt fyrir okkur að fá þessi stig, það er stutt á milli þarna rétt fyrir ofan botninn þannig að þetta er bara ótrúlega mikilvægt. Þetta er loksins að detta með okkur." sagði Þórunn eftir leik.

Völlurinn var mjög blautur í kvöld og lítið gekk í fyrrihálfleik að ná upp spili, en KR komu mjög sterkar inn í síðari hálfleikinn.

"Það er bara gaman og stemning að spila á svona blautum velli, það bara háir báðum liðum." sagði Þórunn á léttu nótunum.

„Fínt spil inn á milli og frábært að fá fjögur mörk, að koma til baka líka er mjög gott, þannig ég er bara virkilega sátt."



Lestu um leikinn: KR 4 -  2 HK/Víkingur

Næsti deildarleikur KR er eftir viku gegn toppliði Vals en fyrst eiga þær leik í undanúrslitum Mjólkurbikarsins gegn Þór/KA. Það er þétt dagskrá framundan.

„Það er mjög stutt á milli leikja núna, sem er bara mjög skemmtilegt. Tökum núna þrjá heimaleiki í röð. Það er bara mjög skemmtilegt prógram." sagði Þórunn að lokum.

Tweet

Senda a Facebook Hafdu samband Senda frétt Prenta frétt Frétta leit