Ásmundur Arnarsson, þjálfari Fjölnis var að vonum svekktur með jafntefli á heimavelli gegn Gróttu, þar sem hans menn nýttu ekki þau færi sem þeir sköpuðu sér í leiknum.

„Fyrstu viðbrögð er bara að ég er svekktur að ná ekki í þrjú stig. Nýttum ekki færin, erum þrisvar, fjórum sinnum einir í gegn og erum í góðum möguleikum. Leikurinn heilt yfir opinn og það gat svo sem allt gerst. Grótta þekktir fyrir að skora undir lokin þannig að maður var svo sem aldrei rólegur með það en heilt yfir fannst mér ívið sterkari og fá opnari færi og þess vegna svekktur að klára ekki leikinn.“

Lestu um leikinn: Fjölnir 0 -  0 Grótta

Aðspurður að því hvað tæki við hjá Fjölni hafði Ási þetta að segja um:

„Það er bara ótrauðir áfram, fullt af erfiðum leikjum eftir en við erum orðnir leiðir á þessum jafnteflum. Það telur hægt að gera jafntefli og við þurfum að fara stíga aðeins upp til að klára leikina, við viljum fá þrjú stig. Við erum bara ekki að nýta færin.“

Viðtalið í heild má sjá í spilaranum hér að ofan.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit