Keflavík vann sigur á liði Víkings frá Ólafsvík í Keflavík í miklum rokleik í kvöld. Vindurinn setti mikinn svip á leikinn og áttu leikmenn oft á tíðum erfitt með að hemja boltann í sterkum vindinum.


Lestu um leikinn: Keflavík 2 -  1 Víkingur Ó.

Keflavík hefur gengið bölvanlega að sækja sigra á heimavelli í sumar en hafa nú unnið síðustu tvo heimaleiki sem hlýtur að vera gleðiefni fyrir Eystein Húna Hauksson þjálfara liðsins.

„Já heldur betur. Eftir það sem hefur verið erfitt hérna heima eftir fyrstu leikina en núna virkilega sér maður eftir ákveðnum stigum .“

Batamerki hafa verið á leik Keflavíkur að undanförnu eftir vægast sagt brösótt gengi um miðbik mótsins.
Er Eysteinn farinn að sjá þroskamerki á liðinu?

„Já það var mjög sterkt að ná að klára þennan leik ekki spurning. Það sem að kláraði leikinn var það að menn voru tilbúnir að hlaupa inn á þau svæði þar sem hætturnar eru og svo er náttúrulega það sem ég er að segja við þá þessa sóknarmenn að það eru einstaklingsgæði sem að gera út um svona leiki.“

Sagði Eysteinn Húni Hauksson þjálfari Keflavíkur en allt viðtalið má sjá hér að ofan.

Tweet

Senda a Facebook Hafdu samband Senda frétt Prenta frétt Frétta leit