Fótbolti.net

mán 16. september 2024 13:58

Sæbjörn Þór Þórbergsson Steinke

Arnór Sig: Það smituðust margir í Tyrklandi

Á landsliðsæfingu í þarsíðustu viku.

Mynd: Fótbolti.net - Hafliði Breiðfjörð

Spilaði hálftíma gegn Svartfjallalandi.

Mynd: Fótbolti.net - Hafliði Breiðfjörð

Gat ekki spilað gegn Tyrkjum.

Mynd: Fótbolti.net - Hafliði Breiðfjörð

Arnór Sigurðsson var ekki í leikmannahópi Blackburn um helgina þegar liðið vann öruggan heimasigur gegn Bristol City í Championship-deildinni.

Ástæðan fyrir fjarverunni voru veikindi sem Arnór hefur verið að glíma við að undanförnu. Hann veiktist fyrst í síðasta mánuði en hefur fengið nokkur bakslög síðan.

14.09.2024 21:32

Margir íslenskir landsliðsmenn veiktust í Tyrklandi

„Ég er búinn að veras ströggla í svolítinn tíma. Ég hef verið með magasýru vandamál, hef verið að taka test og reyna finna út úr þessu. Ég á von á niðurstöðu í dag eða á morgun. Ég finn einhverja bakflæðistilfinningu, en þetta er ekki það," segir Arnór.

Veiktist á leikdegi
Veikindin hafa haft áhrif á fótboltann hjá Arnóri að undanförnu en hann hefur ekki spilað síðustu tvo leiki Blackburn vegna veikindanna og gat svo ekki komið við sögu gegn Tyrklandi vegna veikindanna.

„Ég veiktist daginn sem við spiluðum gegn Tyrkjum, það var ástæðan fyrir því að ég spilaði ekki. Þetta hefur verið ströggl, en maður er að reyna gera það besta úr þessu, en það er erfitt sem fótboltamaður að þurfa að breyta mataræðinu og svoleiðis."

„Ég var búinn að vera glíma við þetta í aðdragandanum að landsleikjunum. Þetta hefur haft áhrif á mig, líka á æfingum, andardrátturinn verður þyngri og svoleiðis. Fyrir mér skipti samt miklu máli að koma með liðinu, vera á staðnum. Ég náði að spila hálftíma gegn Svartfjallalandi en því miður missti ég af leiknum gegn Tyrkjum. Það gerði mikið fyrir mig að fara hitta strákana og aðeins kúpla mig út úr umhverfinu hér (á Englandi)."

Arnór fann fyrir veikindunum á leikdegi gegn Tyrkjum. „Við vorum nokkrir sem veiktumst, það varð einhver veirusýking sem frekar margir af okkur fengum, og þess vegna var ég svo ekki með Blackburn um helgina."

„Ég veit ekki hvað gerðist í Tyrklandi. Þetta er einhver veirusýking, veit ekki hvort það var í matnum eða í vatninu, ég hef ekki hugmynd. Það allavega smituðust margir."

Leitað lausna
Arnór getur ekki borðað eins og hann er vanur, en leitar lausna til að reyna halda orkustiginu uppi.

„Við erum með góða sjúkraþjálfara og við höfum verið að reyna finna lausnina. Ég hef verið að taka töflur við því sem við héldum að þetta væri og þetta var að lagast. Svo eftir landsliðsverkefnið fór ég í test, m.a. blóðprufu, sem kom fínt út. Ég er núna að bíða eftir lokasvari við hinum prófunum og fer í kjölfarið á sýklalyf."

„Á meðan ég var með þennan vírus þá vildu þeir skiljanlega ekki fá mig upp á æfingasvæði, en ég hef alveg náð að æfa, hefur einungis einstöku sinnum verið þannig að ég hef ekki getað æft. Það verður gott þegar þetta kemur í lag og ég get aftur farið að æfa eins og ég vanur að gera fyrir veikindin."

Veikindin hafa verið að þrjá Arnór í nokkrar vikur, hann hefur aldrei almennilega náð að hrista þau af sér. Töflur hafa hjálpað honum að halda þessu í skefjum, en hann hefur svo fengið bakslög. „Við ákváðum þess vegna að fara í alvöru test og reyna finna út hvað þetta er," segir Arnór.

Næsti leikur Blackburn verður gegn Preston á útivelli næsta sunnudag. Ef Arnór spilar gæti hann mætt vini sínum Stefáni Teit Þórðarsyni, sem reyndar missti líka af sínum síðasta leik vegna veikinda.

		L	U	J	T	ms:	mf:	mun	Stig
1	Coventry	45	27	11	7	93	45	+48	92
2	Ipswich Town	44	22	14	8	75	45	+30	80
3	Millwall	45	23	11	11	62	49	+13	80
4	Middlesbrough	45	22	13	10	70	45	+25	79
5	Southampton	44	21	13	10	77	53	+24	76
6	Wrexham	45	19	13	13	67	63	+4	70
7	Hull City	45	20	10	15	68	65	+3	70
8	Derby County	45	20	9	16	66	57	+9	69
9	Norwich	45	19	8	18	62	54	+8	65
10	Birmingham	45	17	12	16	56	55	+1	63
11	Swansea	45	17	10	18	54	58	-4	61
12	Preston NE	45	15	15	15	54	59	-5	60
13	Bristol City	45	16	11	18	57	59	-2	59
14	QPR	45	16	10	19	61	70	-9	58
15	Sheffield Utd	45	17	6	22	64	65	-1	57
16	Watford	45	14	15	16	53	61	-8	57
17	Stoke City	45	15	10	20	51	54	-3	55
18	Portsmouth	45	14	12	19	48	63	-15	54
19	West Brom	45	13	14	18	47	56	-9	53
20	Charlton Athletic	45	13	14	18	43	55	-12	53
21	Blackburn	45	13	13	19	42	55	-13	52
22	Leicester	45	11	16	18	57	68	-11	49
23	Oxford United	45	11	14	20	45	57	-12	47
24	Sheff Wed	45	1	12	32	27	88	-61	15