Bruce fagnar því að endurheimta Saint-Maximin

Steve Bruce, stjóri Newcastle, fagnar endurkomu franska vængmannsins Allan Saint-Maximin sem hefur verið frá í mánuð vegna meiðsla.

„Hann er með mikinn hraða og kraft. Hann er með hæfileika til að komast framhjá mönnum," segir Bruce.

„Hann er leikmaður sem getur breytt leiknum fyrir þig og hann hefur sýnt það oft. Hans hefur verið saknað og það er jákvætt að hann sé mættur aftur."

Newcastle mætir Chelsea í síðdegisleiknum á morgun.

Javier Manquillo, Jack Colback, Ki,Sung-Yeng, Dwight Gayle, Paul Dummett, DeAndre Yedlin og Yoshinori Muto eru á meiðslalista Newcastle. Andy Carroll er tæpur en Fabian Schar er klár í slaginn.