Gylfi í leik gegn ÍBV á dögunum
„Gríðarlega svekkjandi en þeir áttu þetta bara skilið held ég svona heilt yfir. Meiri barátta í þeim og tókust betur á við aðstæðurnar en við. Þeir voru erfiðir í skyndisóknum og bara áttu þetta skilið.“
Sagði Gylfi Sigurðsson leikmaður Víkinga um úrslitin er Víkingar féllu úr leik í 32 liða úrslitum Mjólkurbikarsins eftir 3-0 tap gegn ÍBV í Vestmannaeyjum í dag.
Sagði Gylfi Sigurðsson leikmaður Víkinga um úrslitin er Víkingar féllu úr leik í 32 liða úrslitum Mjólkurbikarsins eftir 3-0 tap gegn ÍBV í Vestmannaeyjum í dag.
Lestu um leikinn: ÍBV 3 - 0 Víkingur R.
Víkingar voru langt frá því að vera líkir sjálfum sér í leik dagsins og aðspurður hvað betur hefði mátt fara svaraði Gylfi.
„Við áttum að gera betur þegar þeir voru að sækja hratt á okkur. og hefðum getað gert betur í að skapa okkur færi öðruvísi en að reyna að spila okkur í gegnum þá sem aðstæður kannski leyfðu ekki.
Við hefðum átt að dæla boltanum meira inn í boxið og spila upp á stóru framherjanna okkar “
Víkingar mættu ÍBV í fyrstu umferð Bestu deildarinnar á dögunum og höfðu þar 2-0 sigur. Um það hver munurinn á leikjunum tveimur væri sagði Gylfi.
„Við gátum spilað boltanum hratt á gervigrasinu og aðstæður voru betri þá. Það var meira líf í okkur í deildarleiknum en þetta voru tveir ólíkir leikir.“
Allt viðtalið við Gylfa má sjá í spilaranum hér að ofan
