Villarreal vann stóran sigur í dag í undirbúningi sínum fyrir úrslitaleik Evrópudeildarinnar í næstu viku.

Lokaumferð spænsku La Liga átti öll að fara fram næsta sunnudag sem hefði þýtt að Villarreal hefði fengið tæplega þriggja daga undirbúning fyrir úrslitaleikinn gegn Manchester United.

Villarreal kvartaði og óskaði að spænska sambandið myndi berjast fyrir því að fá leiknum fært. Á laugardag fer fram lokakeppni Eurovision, söngvakeppni evrópskra sjónvarpsstöðva, og vildu spænsku stöðvarnar ekki hafa lokaumferð spænsku deildarinnar á sama tíma.

Flestir leikirnir þurfa að vera spilaðir á sama tíma, alls staðar þar sem barátta er í deildinni, og fékkst það í gegn í dag að leikirnir færu fram á laugardag.

Umferðin hefst þremur klukkutímum áður en Eurovision hefst og því sleppur þetta allt saman. Einn leikur fer fram á föstudag, sjö á laugardag og deildinni lýkur með tveimur leikjum á sunnudag.

Villarreal fær lengri undirbúning en Manchester United fyrir úrslitaleikinn því United mætir Wolves á útivelli á sunnudag. Úrslitaleikur Evrópudeildarinnar fer fram miðvikudaginn 26. maí í Gdansk í Póllandi.

Real Madrid þarf að vinna Villarreal og treysta á að Atletico Madrid misstígi sig gegn Valladolid til að vinna deildina.

⚠️ Changes to kick-off times for MD38.

The final Matchday of #LaLigaSantander 2020/21 will be played on the following dates. pic.twitter.com/anGSOzACyK

— LaLiga English (@LaLigaEN) May 17, 2021

Tweet

Senda a Facebook Hafdu samband Senda frétt Prenta frétt Frétta leit