Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fim 17. júní 2021 10:34
Ívan Guðjón Baldursson
Buffon kominn heim til Parma (Staðfest)
Mynd: EPA
Ítalska B-deildarliðið Parma er búið að staðfesta endurkomu Gianluigi Buffon til félagsins.

Buffon kom upp í gegnum unglingastarfið hjá Parma og hóf atvinnumannaferilinn þar áður en hann var keyptur til Juventus rétt eftir aldamótin.

Hinn 43 ára gamli Buffon er goðsögn í knattspyrnuheiminum og var aðalmarkvörður Juventus og ítalska landsliðsins í næstum því tvo áratugi.

Parma féll niður úr Serie A í vor og verður áhugavert að fylgjast með byrjunarliðsbaráttu Buffon og Luigi Sepe.

Buffon skrifar undir samning til 2023 og verður því markvörður Parma þar til hann verður 45 ára gamall.


Athugasemdir
banner
banner
banner
banner