Piroe í læknisskoðun hjá West Ham

Hann fer til West Ham á lánssamningi með kaupskyldu, en fjölmiðlum greinir á um hvort kaupskyldan sé árangurstengd eða ekki. Þeir eru þó sammála um að Hamrarnir munu borga full laun framherjans á meðan á lánsdvölinni stendur og að kaupskyldan nemur 15 milljónum punda.

Það þykir ljóst að ef kaupskyldan er árangurstengd þá þarf Piroe að framlengja samning sinn við Leeds um eitt ár áður en hann getur verið lánaður út.

Piroe er 27 ára gamall og var í aukahlutverki hjá Leeds á síðustu leiktíð, eftir að hafa átt mikilvægan þátt í að koma liðinu upp í úrvalsdeildina ári fyrr.

West Ham leikur í Championship deildinni í vetur og býr Piroe yfir mikilli reynslu þaðan. Hann hefur skorað 73 mörk í 179 leikjum í deildinni.