Fótbolti.net

lau 18. janúar 2020 23:30

Guðmundur Aðalsteinn Ásgeirsson

„Óttast örlög félagsins ef við föllum"

Bournemouth er í veseni.

Mynd: Getty Images

Eddie Howe hefur stýrt Bournemouth samfleytt frá 2012 og gert stórkoslega hluti.

Mynd: Getty Images

Bournemouth er ekki á góðum stað þessa stundina. Liðið tapaði 1-0 gegn botnliði Norwich í ensku úrvalsdeildinni í dag.

Óhætt er að segja að félagið hafi lent í miklum meiðslavandræðum og er breiddin ekki mjög mikil, sérstaklega þegar litið er til þess að akademía félagsins er ekki mjög öflug.

Bournemouth hefur aðeins unnið tvo af síðustu 17 deildarleikjum sínum og er í fallsæti, þremur stigum frá öruggu sæti, eftir 23 leiki spilaða.

Bournemouth er lítil borg með aðeins um 200 þúsund íbúa. Eddie Howe hefur gert magnaða hluti með Bournemouth, komið liðinu úr D-deild í þá efstu, með stuttu stoppi hjá Burnley. Hann kom félaginu upp í ensku úrvalsdeildina fyrir tímabilið 2015/16 og var það í fyrsta sinn sem félagið komst á þann stað.

Bournemouth hefur verið í úrvalsdeild síðan og gengið hefur verið nokkuð gott. Á fyrsta tímabilinu endaði liðið í 16. sæti, svo var það níunda sæti, 12. sæti og 14. sæti. En núna er liðið í fallsæti.

„Ég óttast örlög félagsins ef við föllum," sagði einn heimildarmaður The Athletic um Bournemouth.

Bournemouth treystir nefnilega mikið á sjónvarpstekjur sínar úr ensku úrvalsdeildinni. Tímabilið 2017/18 var greint frá því að 89% af tekjum félagsins kæmu úr sjónvarpssamningi ensku úrvalsdeildarinnar. Af þeim 119 milljónum punda sem Bournemouth fékk úr sjónvarpssamningnum það tímabil, var 102 milljón punda eytt í laun.

Bournemouth er með klásúlur í samningi leikmanna sinna sem gera það að verkum að laun munu lækka um 25% ef félagið fellur úr ensku úrvalsdeildinni. Þrátt fyrir það yrði fjárhagslegt tap af falli gríðarlegt.

Bournemouth hefur eytt miklum pening í leikmenn eins og Jordon Ibe (15 milljónir punda), Dominic Solanke (17 milljónir punda) og Asmir Begovic (10 milljónir punda). Það eru félagaskipti sem hafa ekki gengið upp. Þrátt fyrir að mörg önnur félagaskipti hafi gengið upp, þá er dýrkeypt fyrir félag eins og Bournemouth að gera svona mistök á markaðnum.

Næsti leikur Bournemouth er gegn Brighton á þriðjudag, og næsti deildarleikur þar á eftir er annar heimaleikur, gegn Aston Villa. Þetta eru leikir sem Bournemouth þarf nauðsynlega að vinna.

Smelltu hér til að lesa grein The Athletic um Bournemouth.

		L	U	J	T	ms:	mf:	mun	Stig
1	Arsenal	34	24	5	5	82	26	+56	77
2	Man City	33	23	7	3	80	32	+48	76
3	Liverpool	34	22	8	4	75	34	+41	74
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Man Utd	33	16	5	12	51	50	+1	53
7	Newcastle	33	15	5	13	69	54	+15	50
8	West Ham	34	13	9	12	54	63	-9	48
9	Chelsea	32	13	8	11	61	57	+4	47
10	Bournemouth	34	12	9	13	49	60	-11	45
11	Brighton	33	11	11	11	52	54	-2	44
12	Wolves	34	12	7	15	46	54	-8	43
13	Fulham	34	12	6	16	50	54	-4	42
14	Crystal Palace	34	10	9	15	44	56	-12	39
15	Brentford	34	9	8	17	52	59	-7	35
16	Everton	34	11	8	15	36	48	-12	33
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	34	3	7	24	33	92	-59	16