„Að mínu mati er ekki mikilvægt í hvaða sæti við erum í augnablikinu. Það er mikilvægt að við erum með stig og erum í kringum þennan hóp (topp fjögur)," sagði Jurgen Klopp, stjóri Liverpool, eftir markalaust jafntefli gegn Manchester United í gær.

Liverpool er í 4. sæti deildarinnar eftir leikinn en liðið hefur ekki unnið í síðustu fjórum leikjum. Klopp segist ekki hugsa um að verja titilinn heldur sé mikilvægast að ná Meistaradeildarsæti.

„Við þurfum stig til þess. Við erum í miðjunni af mörgum liðum sem eru að berjast um þetta toppsæti og við þurfum að gera það."

„Þetta er samt ekki þannig að ef við verðum ekki meistarar þá sé ekki gaman lengur. Við þurfum að berjast í öllum leikjum og við sáum það aftur í kvöld."

„Mikilvægast er að ná sæti í Meistaradeildinni og ég veit hversu erfitt það er. Á þessu tímabili verður erfitt kapphlaup um að komast inn í topp fjóra."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit