Byrjunarliðin á Emirates: Ryan í marki Arsenal - Lookman byrjar

Arsenal tekur á móti Fulham í fyrri leik dagsins í ensku úrvalsdeildinni. Leikurinn hefst klukkan 12:30 og er í beinni á Síminn Sport.

Mikel Arteta, stjóri Arsenal, gerir fimm breytingar frá 0-3 sigrinum gegn Sheffield United um síðustu helgi. Mathew Ryan byrjar í markinu, Hector Bellerin og Gabriel koma inn í vörnina og þeir Mo Elneny og Emile Smith Rowe inn á miðjuna. Granit Xhaka er áfram í vinstri bakverði. Pierre-Emerick Aubameyang er áfram fjarri góðu gamni.

Scott Parker, stjóri Fulham, gerir fimm breytingar frá tapinu gegn Wolves um síðustu helgi. Tosin Adarabioyo, Ivan Cavaleiro, Ademola Lookman, Frank Anguissa og Josh Maja koma inn í liðið. Kenny Tete er ekki með þar sem hann fékk jákvæða niðurstöðu úr covid-prófi.