Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
   þri 18. júní 2024 12:14
Sæbjörn Þór Þórbergsson Steinke
Víkingur mætir Shamrock í forkeppni Meistaradeildarinnar
Mynd: Fótbolti.net - Hafliði Breiðfjörð
Dregið var í fyrstu umferð forkeppni Meistaradeildarinnar í dag og var Víkingur Reykjavík í pottinum. Drátturinn var haldinn í Nyon í Sviss.

Víkingur mætir írsku meisturunum í Shamrock Rovers og spila Íslandsmeistararnir fyrri leikinn á heimavelli.

Breiðablik sló út Shamrock í 1. umferð forkeppninnar á síðasta tímabili. Breiðablik vann fyrri leikinn 0-1 á Írlandi og seinni leikinn 2-1 á Kópavogsvelli.

Vitað var fyrir dráttinn að andstæðingarnir sem Víkingur gæti mætt væru: Finnlandsmeistararnir HJK Helsinki, eistnesku meistararnir Flora Tallinn, Færeyjameistarnir KÍ Klaksvík, írsku meistararnir Shamrock Rovers eða lettnesku meistararnir FC RFS. Þessi lið voru 'seeded' en Víkingur var 'unseeded'.

Það er út af fyrri árangri liðanna í Evrópukeppnum, 'seeded' lið gátu ekki dregist gegn öðrum liðum sem voru 'seeded'. HJK Helsinki er með flestu Evrópustigin af liðinum sem Víkingur gat mætt.

Leikdagarnir verða 9./10. júlí og 16./17. júlí. Dagsetningarnar verða klárar seinna í vikunni.
Athugasemdir
banner
banner
banner