Meiðsli De Gea ekki eins slæm og óttast var

Ole Gunnar Solskjær, stjóri Manchester United, segir að það sé ansi ólíklegt að David de Gea verði í marki United gegn Liverpool í ensku úrvalsdeildinni á sunnudag.

<i>„Ég býst ekki við því að hann geti spilað en meiðslin eru ekki eins slæm og óttast var. Ég held að hann verði ekki lengi frá,"</i> segir Solskjær.

De Gea fór meiddur af velli í leik með spænska landsliðinu.

<i>„Ég horfði á leikinn og hélt að hann yrði frá þar til í næsta landsleikjahléi en þetta er ekki eins slæmt og við óttuðumst."</i>