Mynd: Upphandleggurinn rangstæður - Jöfnunarmarkið ekki gilt

Real Sociedad komst yfir undir lok fyrri hálfleiks og náðu heimamenn að setja knöttinn í netið skömmu eftir leikhlé en leikurinn stöðvaður af myndbandsdómgæsluteyminu.

Eftir dágóða stund var markið úrskurðað ógilt og rangstæða dæmd. Birt var skýringarmynd með dóminum þar sem sést að upphandleggur Antonio Sanabria var fyrir innan litlu tá aftasta varnarmanns Sociedad.

Munurinn var því ótrúlega lítill og eru margir Spánverjar hneykslaðir á því að markinu hafi ekki verið leyft að standa.

Á lokakaflanum blés Betis til sóknar og gerðu gestirnir út um leikinn með skyndisóknum sínum. Lokatölur urðu 0-3 og er Sociedad á toppi deildarinnar.

VAR freeze frame of Sanabria disallowed goal due to offside. Betis 0 - 1 Sociedad from r/soccer