Bruce: Ég er 100% rétti maðurinn í starfið

Steve Bruce, stjóri Newcastle, segist vera 100% rétti maðurinn til að snúa gengi liðsins við.

Newcastle hefur einungis náð í tvö stig í síðustu sjö leikjum og liðið hefur skorað eitt mark síðasta ellefu og hálfa klukkutímann sem það hefur spilað í öllum keppnum.

Stuðningsmenn Newcastle eru farnir að óttast fallbaráttu og vilja margir sjá stjóraskipti en Bruce er hvergi smeykur.

„Ég hef verið í þessu í langan tíma og ég hef náð að gera þetta áður. Þegar þú ert í neðri hluta úrvalsdeildarinnar er ástæðan fyrir því að þú átt vondan kafla einhverntímann á tímabilinu. Þetta snýst um það hvernig þú tekst á við það," sagði Bruce.