Fótbolti.net

sun 19. maí 2019 20:39

Guðmundur Aðalsteinn Ásgeirsson

Ítalía: Tvö Meistaradeildarsæti í boði í lokaumferðinni

AC Milan vann mikilvægan sigur á Frosinone í ítölsku úrvalsdeildinni í dag. Lærisveinar Gennaro Gattuso eru með einu stigi minna en Inter og Atalanta fyrir lokaumferðina. Baráttan um Meistaradeildarsæti er gríðarlega hörð.

Pólski framherjinn Krzysztof Piatek braut ísinn fyrir AC Milan á 57. mínútu og Suso skoraði annað markið á 66. mínútu. Þar við sat. Frosinone fékk tækifæri til að skora úr vítaspyrnu stuttu áður en Milan komst yfir. Donnarumma varði vítaspyrnuna.

Fyrir leikinn í dag var Piatek ekki búinn að skora í fimm leikjum í röð. Markið í dag var hans 22. í deildinni.

Back to scoring! ⚽️🔫🔫 #ForzaMilan 🔴⚫️ pic.twitter.com/LwRD8p0QCr
— Krzysztof Piątek (@Pjona_19) May 19, 2019

Atalanta sótti heim Ítalíumeistara Juventus í síðasta heimaleik Massimiliano Allegri, stjóra Juventus. Hann verður ekki stjóri Juventus á næsta tímabili.

Allegri fékk ekki sigur í kveðjugjöf því leikurinn endaði með jafntefli. Atalanta leiddi lengi vel eftir mark Josip Ilicic. Mario Mandzukic jafnaði þegar 10 mínútur voru eftir af venjulegum leiktíma.

Juventus er fyrir löngu búið að tryggja sér meistaratitilinn en Atalanta er komið upp í þriðja sæti deildarinnar með 66 stig eins og Inter sem tapaði gegn Napoli.

Inter heimsótti Napoli og tapaði þar 4-1. Staðan var 1-0 í hálfleik eftir mark Piotr Zielinski. Í seinni hálfleiknum gekk Napoli frá leiknum og voru lokatölur 4-1. Mauro Icardi lagaði stöðuna aðeins fyrir Inter með marki úr vítaspyrnu.

Fyrir lokaumferðina eru Juventus og Napoli búin að tryggja sér Meistaradeildarsæti. Baráttan um hin tvö sætin er á milli Atalanta, Inter, AC Milan og Roma.

Í lokaumferðinni, sem er um næstu helgi, mun það einnig ráðast hvaða lið verður síðasta liðið til að falla. Frosinone og Chievo eru nú þegar fallin. Genoa er í fallsæti fyrir lokaumferðina.

Hér að neðan má sjá stigatöfluna í deildinni. Á Ítalíu eru það innbyrðis viðureignir sem skera úr um það ef lið eru jöfn að stigum.

Juventus 1 - 1 Atalanta
0-1 Josip Ilicic ('33 )
1-1 Mario Mandzukic ('80 )

Milan 2 - 0 Frosinone
0-0 Camillo Ciano ('50 , Misnotað víti)
1-0 Krzysztof Piatek ('57 )
2-0 Suso ('66 )

Napoli 4 - 1 Inter
1-0 Piotr Zielinski ('16 )
2-0 Dries Mertens ('61 )
3-0 Fabian Ruiz ('71 )
4-0 Fabian Ruiz ('78 )
4-1 Mauro Icardi ('81 , víti)

Hægt er að skoða önnur úrslit dagsins í ítölsku úrvalsdeildinni með því að hérna

		L	U	J	T	ms:	mf:	mun	Stig
1	Inter	35	26	4	5	82	31	+51	82
2	Napoli	35	21	7	7	52	33	+19	70
3	Milan	35	19	10	6	48	29	+19	67
4	Juventus	35	18	11	6	58	30	+28	65
5	Roma	35	20	4	11	52	29	+23	64
6	Como	35	17	11	7	59	28	+31	62
7	Atalanta	35	14	13	8	47	32	+15	55
8	Lazio	35	13	12	10	39	34	+5	51
9	Bologna	35	14	7	14	42	41	+1	49
10	Sassuolo	35	14	7	14	43	44	-1	49
11	Udinese	35	13	8	14	43	46	-3	47
12	Parma	35	10	12	13	25	42	-17	42
13	Torino	35	11	8	16	39	58	-19	41
14	Genoa	35	10	10	15	40	48	-8	40
15	Fiorentina	35	8	13	14	38	49	-11	37
16	Cagliari	35	9	10	16	36	49	-13	37
17	Lecce	35	8	8	19	24	47	-23	32
18	Cremonese	35	6	10	19	27	53	-26	28
19	Verona	35	3	11	21	24	57	-33	20
20	Pisa	35	2	12	21	25	63	-38	18