Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 19. júlí 2021 21:42
Brynjar Ingi Erluson
Leikmaður í úrvalsdeildinni grunaður um kynferðisbrot gegn barni
Mynd: Getty Images
Leikmaður í ensku úrvalsdeildinni var handtekinn á föstudag og færður til yfirheyrslu vegna gruns um kynferðisbrot gegn barni en Daily Mail og The Sun greina frá þessu í kvöld.

Leikmaðurinn, sem er 31 árs gamall og giftur, er ekki nafngreindur af lagalegum ástæðum en hann hefur verið leystur af störfum hjá félagi sínu á meðan rannsókn fer fram.

Lögregla gerði húsleit heima hjá honum hjá honum á föstudag og tók þar nokkra muni áður en leikmaðurinn var handtekinn og færður til yfirheyrslu. Hann var látinn laus að henni lokinni.

Lögreglan í Manchester sendi frá sér yfirlýsingu vegna málsins í kvöld en hann fær ekki að æfa með félaginu á meðan rannsókn stendur.

„Lögreglumenn handtöku 31 árs gamlan mann föstudaginn 16. júlí vegna gruns um kynferðisbrot gegn barni. Hann var látinn laus gegn tryggingu á meðan rannsókn fer fram," kemur fram í yfirlýsingu frá lögreglunni í Manchester.
banner
banner
banner