Fotbolti.net
19.09.20 - 20:52
Ívan Guðjón Baldursson

England: Arsenal stal sigrinum gegn West Ham

England: Arsenal stal sigrinum gegn West Ham
Canon

Mynd: Getty Images

Arsenal 2 - 1 West Ham
1-0 Alexandre Lacazette ('25)
1-1 Michail Antonio ('45)
2-1 Eddie Nketiah ('85)
Arsenal tók á móti West Ham í síðasta leik dagsins í ensku úrvalsdeildinni.

Alexandre Lacazette kom heimamönnum yfir með skalla eftir fyrirgjöf frá Pierre-Emerick Aubameyang en Michail Antonio náði að jafna fyrir gestina rétt fyrir leikhlé.

Hamrarnir voru betri í síðari hálfleik en náðu ekki að koma knettinum í netið. Það stefndi allt í jafntefli eða óvæntan sigur Hamranna þar til varamanninum Eddie Nketiah tókst að gera þægilegt sigurmark eftir sendingu frá Dani Ceballos. Nketiah og Ceballos tóku aðeins í hvorn annan í síðasta leik Arsenal en þeir eru búnir að sættast.

Vængbakvörðurinn fjölhæfi Bukayo Saka átti sendingarnar innfyrir í báðum mörkum Arsenal.

Hamrarnir reyndu að jafna en þær tilraunir skiluðu ekki árangri og mikilvæg stig komin í hús fyrir Arsenal, sem er með sex stig eftir tvær umferðir.

West Ham er án stiga eftir arfaslakt tap gegn Newcastle í fyrstu umferð.

Þetta var fimmti sigur Arsenal gegn West Ham í síðustu sex innbyrðisviðureignum liðanna.

Stöðutafla

#LiðLmunStig
1Arsenal38+4485
2Manchester City38+4278
3Manchester Utd38+1971
4Aston Villa38+765
5Liverpool38+1060
6Bournemouth38+457
7Sunderland38-654
8Brighton38+653
9Brentford38+353
10Chelsea38+652
11Fulham38-452
12Newcastle38-249
13Everton38-349
14Leeds38-747
15Crystal Palace38-1045
16Nott. Forest38-344
17Tottenham38-941
18West Ham38-1939
19Burnley38-3722
20Wolves38-4120
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.