Atletico Madrid 1 - 1 Valencia
1-0 Diego Costa ('36, víti)
1-1 Daniel Parejo ('82)
Rautt spjald: Lee Kangin, Valencia ('91)

Atletico Madrid mætti Valencia í stórleik helgarinnar í spænska boltanum.

Heimamenn voru betri í fyrri hálfleik og komust yfir með marki úr vítaspyrnu. Diego Costa skoraði úr spyrnunni sem var dæmd vegna hendi innan vítateigs. Endursýningar sýndu þó að dómurinn var ansi ódýr þar sem varnarmaðurinn var að verja andlitið með handleggnum sínum.

Gestirnir frá Valencia komust meira inn í leikinn eftir leikhlé og náði Dani Parejo að jafna með stórglæsilegu aukaspyrnumarki úr erfiðu færi. Jan Oblak kom hendi í boltann en það nægði ekki til og lokatölur 1-1.

Þetta var þriðja jafntefli Atletico í röð og er liðið í fjórða sæti, með sextán stig eftir níu umferðir. Valencia er þremur stigum þar á eftir.

Tweet

Senda a Facebook Hafdu samband Senda frétt Prenta frétt Frétta leit