Ítalía: Roma tryggði sér sæti í Evrópudeildinni

Roma er búið að tryggja sæti sitt í Evrópudeildinni fyrir næstu leiktíð eftir lokaleik liðsins í Serie A í kvöld gegn Torino.

Roma þurfti á sigri að halda til að tryggja sætið en liðið var með 59 stig í sjötta sæti, stigi á undan bæði Fiorentina og Atalanta.

Það var litlu að keppa fyrir Torino í kvöld sem er í 10. sætinu en gat þó með sigri lyft sér sæti ofar.

Tammy Abraham átti frábæran leik fyrir Roma í kvöld en hann skoraði tvö mörk í fyrri hálfleik og eitt þeirra úr vítaspyrnu.

Abraham hefði getað bætt við þriðja markinu á 78. mínútu en þá steig Lorenzo Pellegrini á punktinn til að gulltryggja 3-0 sigur gestaliðsins.

Jose Mourinho og hans menn eru því á leið í riðlakeppni Evrópudeildarinnar og hafna í annað hvort fimmta eða sjötta sæti.