Rabiot nálgast Man Utd - Mount til sölu - Branthwaite fær stórbættan samning - Kante hefur náð samkomulagi við West Ham
   fim 20. júní 2024 11:04
Sæbjörn Þór Þórbergsson Steinke
Guðmundur Baldvin frá út júlí hið minnsta
Mynd: Fótbolti.net - Hafliði Breiðfjörð
Guðmundur Baldvin Nökkvason, leikmaður Stjörnunnar, viðbeinsbrotnaði í leik liðsins gegn FH. Björn Daníel Sverrisson felldi Guðmund Baldvin sem lenti illa á öxlinni og með þessum afleiðingum. Fyrirliði FH fékk gult spjald fyrir.

Fyrr í leiknum hafði Guðmundur Baldvin skorað glæsilegt mark, átti þrumuskot fyrir utan teig eftir að Stjörnumenn voru klókir og tóku aukaspyrnu hratt.

Guðmundur Baldvin er tvítugur miðjumaður sem kom í vetur til Stjörnunnar á láni frá sænska félaginu Mjällby sem keypti hann af Stjörnunni síðasta sumar. U21 landsliðsmaðurinn hefur skorað fimm mörk á þessu tímabili.

Lestu um leikinn: Stjarnan 4 -  2 FH

Jökull Elísabetarson, þjálfari Stjörnunnar, sagði við Fótbolta.net að Guðmundur verði frá í sex vikur hið minnsta. Hann mun því ekki spila fyrr en í fyrsta lagi í ágúst. Meiðslin þýða að miðjumaðurinn öflugi missir af Evrópuleikjum Stjörnunnar nema liðið fari þeim mun lengra í forkeppni Sambandsdeildarinnar.

Heiðar Ægisson er að snúa til baka eftir meiðsli, Adolf Daði Birgisson er orðinn heill en spurning er með fyrirliðann Guðmund Kristjánsson upp á næsta leik að gera, hann fer í frekari skoðun í dag.

Næsti leikur Stjörnunnar er gegn HK á laugardag.
Besta-deild karla
Lið L U J T Mörk mun Stig
1.    Víkingur R. 15 10 3 2 34 - 15 +19 33
2.    Valur 14 8 4 2 36 - 18 +18 28
3.    Breiðablik 14 8 3 3 29 - 17 +12 27
4.    FH 14 7 3 4 26 - 23 +3 24
5.    ÍA 14 7 2 5 32 - 20 +12 23
6.    Fram 14 5 4 5 20 - 20 0 19
7.    KA 15 5 3 7 23 - 29 -6 18
8.    Stjarnan 14 5 2 7 25 - 29 -4 17
9.    KR 14 3 5 6 23 - 26 -3 14
10.    HK 15 4 2 9 17 - 35 -18 14
11.    Vestri 15 3 3 9 18 - 36 -18 12
12.    Fylkir 14 3 2 9 21 - 36 -15 11
Athugasemdir
banner
banner
banner