Ágúst Orri á leið til Hollands

Ágúst Orri er 21 árs sóknarmaður sem uppalinn er hjá Breiðabliki en hefur einnig verið á mála hjá Genoa og Malmö á sínum ferli. Hann á að baki 32 leiki fyrir yngri landslið Íslands, þar af tíu fyrir U21, og spilaði í febrúar sinn fyrsta A-landsleik þegar Ísland mætti Mexíkó í vináttúlandsleik.

Hann var sterklega orðaður við Rakow síðasta vetur en á endanum náðu félögin ekki saman. Ágúst á að baki 16 Evrópuleiki með Blikum og hefur á þessu tímabili skorað sex mörk og lagt upp fjögur í Bestu deildinni. Þá hefur hann skorað fjögur mörk í jafn mörgum bikarleikjum.

Á síðasta áratugi voru þrír Íslendingar á mála hjá Excelsior. Það eru þeir Elías Már Ómarsson, Ögmundur Kristinsson og Mikael Anderson. Liðið endaði í 13. sæti á síðasta tímabili og er með þrjú stig eftir tvo leiki á þessu tímabili.