Viðræður Newcastle við Fonseca komnar vel á veg

Fonseca er fyrrum stjóri Shaktar Donetsk og Roma en hann er án félags. Í sumar var hann nálægt því að taka við Tottenham. Hann aðhyllist því að spila áhorfendavænan sóknarbolta, eitthvað sem myndi gleðja stuðningsmenn Newcastle sem voru óánægðir með leikstíl Bruce.

Þrátt fyrir gott skrið í viðræðum við Fonseca hefur Newcastle ekki enn slegið aðra kosti út af borðinu.

Sjá einnig:
Tíu sem gætu tekið við Newcastle

Aðstoðarþjálfarinn Graeme Jones hefur tekið við liði Newcastle til bráðabirgða og mun að öllum líkindum stýra liðinu gegn Crystal Palace á laugardaginn. Newcastle er í fallsæti í ensku úrvalsdeildinni, liðið er aðeins með þrjú stig eftir átta umferðir.