,,Þetta var svekkjandi að fá ekki að minnsta kosti eitt stig úr úr leiknum í dag. Gríðarlega svekkjandi," sagði Þórður Þórðarson þjálfari ÍA eftir 1-0 tap gegn Fylki í Árbænum í kvöld.

Lestu um leikinn: Fylkir 1 -  0 ÍA

,,Það eru miklar framfarir í leiknum í dag frá síðasta leik, það var fínt spil í dag, þorðum að halda boltanum og vorum þéttar. Við gerum í raun og veru bara ein mistök í 90 mínútur og það kostaði okkur mark því miður."

,,Við erum að reyna að færa okkur framar á völlinn. Við byrjuðum að byggja þetta betur aftast og erum að færa okkur framar á völlinn. Það kemur."

Næsti leikur liðsins er mikilvægur leikur gegn FH sem er líka í neðri hlutanum.

,,Þegar við spilum eins og við spiluðum í dag þá fáum við gott út úr næsta leik. Mér fannst ungu stelpurnar hjá mér standa sig vel á móti þessum trukkum hjá Fylki. Þær eru með massíft lið en mér fannst okkar lið spila betri fótbolta úti á vellinum. Það er þeirra taktík en ég var svekktur að fá ekki stig í dag."

Tweet

Senda a Facebook Hafdu samband Senda frétt Prenta frétt Frétta leit