Ítalía: Ronaldo og Ramsey björguðu Juve

Gestirnir komust yfir snemma leiks þegar Samuel Di Carmine steig á vítapunktinn. Spyrna hans fór í stöngina, liðsfélagi hans fylgdi eftir í slánna og skömmu síðar þrumaði Miguel Veloso knettinum í samskeytin með glæsilegu skoti utan teigs.

Aaron Ramsey var í byrjunarliði Juve í fyrsta sinn og gerði hann jöfnunarmarkið á 31. mínútu með góðu skoti utan teigs.

Cristiano Ronaldo kom Juve svo yfir með marki úr vítaspyrnu í upphafi síðari hálfleiks. Juan Cuadrado fiskaði spyrnuna með góðu hlaupi upp hægri vænginn.

Gestirnir svöruðu fyrir sig og fengu góð færi en hinn 41 árs Gianluigi Buffon átti mjög góðan leik og varði vel.

Lokatölur 2-1 og er Juventus komið með tíu stig. Þetta er annar tapleikur Verona í röð og er liðið með fjögur stig eftir fjórar umferðir.

Juventus 2 - 1 Verona
0-1 Miguel Veloso ('21)
1-1 Aaron Ramsey ('31)
2-1 Cristiano Ronaldo ('49, víti)
Rautt spjald: Kumbulla, Verona ('90)

Nýliðar Brescia unnu þá sinn annan leik á tímabilinu er þeir heimsóttu Udinese.

Romulo gerði eina markið í bragðdaufum leik. Hann fékk mikið pláss til að athafna sig fyrir utan teig og lét vaða.

Brescia er með sex stig en Udinese er aðeins með þrjú eftir sigur í fyrstu umferð.

Udinese 0 - 1 Brescia
0-1 Romulo ('57)