Championship: Burnley valtaði yfir Plymouth - Portsmouth upp úr fallsæti

Fjórir leikir voru á dagskrá í Championship deildinni í kvöld. Guðlaugur Victor Pálsson var í eldlínunni hjá Plymouth og lék allan leikinn.

Plymouth situr sem fastast á botninum eftir að liðið steinlá gegn Burnley en leiknum var lokið strax í fyrri hálfleik þar sem öll mörkin litu dagsins ljós.

Það er hörku barátta á toppnum en Leeds endurheimti toppsætið af Sheffield United með sigri á Norwich en aðeins eitt stig skilur liðin að.

Þá komst Portsmouth upp úr fallsæti og upp fyrir Stoke með sigri á liðinu.