Uppgangur Kristals Mána Ingasonar hefur verið frábær og þessi tvítugi leikmaður skemmti áhorfendum Bestu deildarinnar með fótboltahæfileikum sínum áður en hann var seldur út til norska félagsins Rosenborg.

Kristall fæddist á fyrsta mánuði ársins 2002 og Fótbolti.net velur hann sem efnilegasta leikmann Bestu deildarinnar 2022.

„Algjörlega frábær leikmaður og önnur saga af leikmanni sem tekur skrefið til baka til að taka í raun og verju heljarstökk áfram," sagði Tómas Þór Þórðarson í útvarpsþættinum Fótbolti.net þar sem valið var opinberað.

Kristall var í herbúðum FC Kaupmannahafnar áður en hann gekk í raðir Víkings 2020.