Spánn: Frábær endurkoma Real Betis

Real Betis bauð upp á frábæra endurkomu í spænsku úrvalsdeildinni í kvöld er liðið mætti Real Sociedad í hörkuleik.

Fyrri hálfleikurinn í kvöld var rólegur en fyrsta markið skoraði Alexander Isak fyrir Sociedad snemma í þeim seinni

Ekki löngu seinna skoraði Mikel Oyarzabal annað mark fyrir heimamenn og staðan orðin 2-0, ansi björt fyrir heimaliðið.

Betis gafst þó ekki upp og skoraði tvö mörk undir lokin til að tryggja jafntefli og dýrmætt stig.

Sergio Canales gerði það fyrra þegar fjórar mínutur voru eftir og í uppbótartíma jafnaði reynsluboltinn Joaquin metin.

Sociedad er í sjötta sæti deildarinnar með 31 stig og er Betis í því áttunda með 27.